هڪ ڪامريڊ بحث ڪندي چيو ته” اوهان هروڀرو پنجاب جي پٺيان هٿ ڌوئي اچي پيا آهيو. جڏهن ته پنجاب ۾ به مظلوم ماڻهو آهن ۽ محڪوم طبقا آهن. ضرورت هن ڳالھ جي آهي انهن سان جهموريت جي جدوجهد لاءِ گڏجي محاذ ٺاهن گهرجي“ ـ
مون انتهائي ادب سان چيو ته” تنهنجي گفتگو ٻڌي آئون محسوس ٿو ڪريان ته هن علائقي جو ڪامريڊ ذهني طرح سنڍ بنجي ويو آهي هن ۾ تخليقي مسئلا سمجهڻ ۽ انهن جي سلجهاءِ جي صلاحيت ئي نه رهي آهي، ڇو ته توکي معلوم هئڻ کپي ته هر حاڪم ۽ سامراجي قوم ۾ به مظلوم ۽ محڪوم طبقا ٿيندا آهن، جيئن آمريڪا اڄ دنيا جو سامراجي امام آهي ته اتي به مظلوم ۽ محڪوم طبقا موجود آهن. پر انهن طبقن جي موجودگيءَ جي ڪري آمريڪا جو سامراجي ڪردار تبديل نه ٿو ٿي سگهي ۽ نه ئي هوچي منھ انهن طبقن سان وڃي هڪ جهنڊي هيٺ ڪو جهموري فرنٽ ٺاهيو هو“ ـ
چانڊوڪيون ۽ چيٽ - آريسر
